မင်းဗာကြီး၏ ငယ်နာမည်မာ ဘစောသီရိ ဖြစ်ပါရေ။ ပထမမြောက်ဦး ခေတ် သျှစ်ဆက်မြောက် မင်းရာဇာ၏သားတော်တပါးဖြစ်ရေ။ ရခိုင် သက္ကရာဇ် ၈၅၃ ခုနှစ်မာ မြောက်ဦးနန်းတော်၌ မွီးဖွားခပါရေ။ ငယ်စဉ်က မင်းဗာကြီး၊ ဦးမြဝါ၊ မဟာပညာကျော် သုံးဦးရို့သည် မြောက်ဦးမြို့ အဂ္ဂစိန္တေယျဆရာတော်ဘုရားကြီးပါးမာ ပညာသင်ယူခပါရေ။
ကြီးပြင်းလာသောအခါ သံတွဲနယ် လမုခြီမင်းပြင်ကို စားရသဖြင့် မင်းပြင်စားဟုလေ့ခေါ်တွင်ခပါရေ။ ရခိုင်သက္ကရာဇ် ၈၉၃ ခုနှစ်မှာ မြောက်ဦးထီးနန်းကို ရဟိခပါရေ။ ဤမင်းသည် စွမ်းရည်သတ္တိနန့်ပြည့်စုံရေ။ စစ်ရေးစစ်ရာ ကျွမ်းကျင်ရေ။ မြောက်ဦးမြို့ကို ခေတ်မီခံတပ်မြို့အဖြစ် တည်ဆောက်နိုင်ခရေ။